“ИТДБ” ТӨСЛИЙН ХУДАЛДАН АВАЛТЫН ХӨТӨЛБӨР

1.Худалдан авалтын хөтөлбөрийн талаарх ерөнхий мэдээлэл

ИТДБ төслийн санхүүжилтээр хийгдэх худалдан авалтын хөтөлбөрийн зорилго нь МУИС ба ШУТИС-ийн сургалт ба судалгааны материаллаг баазыг сайжруулснаар сургалтын чанарыг дээшлүүлэх, багшлах хүний нөөцийг хөгжүүлэхэд оршино.2013 онд хийгдсэн төслийн өмнөх суурь судалгааны үр дүнд МУИС ба ШУТИС-д 1,6 тэрбум иений сургалт, судалгааны тоног төхөөрөмж шаардлагатай гэсэн үр дүн гарсан байна. Энэхүү зардал нь тус 2 их сургуульд дараах байдлаар хуваарилагдахаар заасан.

Үүнд:

Мөн төслийн өмнөх суурь судалгаагаар худалдан авсан эдгээр тоног төхөөрөмжийг суурилуулахад 108 сая иений санхүүжилт шаардлагатай гэсэн дүн гарсан. Тоног төхөөрөмж худалдан авалтын хөтөлбөрийг санхүүжилтийн төрлөөр авч үзвэл:

ШУТИС-ийн бүрэлдэхүүн сургуулиуд болон МУИС, ШУТИС-ийн хамтарсан судалгааны багууд ТХН-ээс өгсөн чиглэлийн дагуу худалдан авах шаардлагатай тоног төхөөрөмжөө хэрэгцээ шаардлага дээр үндэслэн АА (нэн тэргүүнд шаардлагатай), А (шаардлагатай), В (дараагийн ээлжинд хамаарах), С (дараагийн ээлжинд хамаарах) гэж ангилсан бөгөөд эхний ээлжинд АА ангилалд багтсан тоног төхөөрөмжийг худалдан авахаар төлөвлөв.

2.Худалдан авах тоног төхөөрөмжид тавигдах шаардлага

a) Сургалтын тоног төхөөрөмжид тавигдах шаардлага:

- Бүрэлдэхүүн сургуулийн удирдлага болон сургуулийн ерөнхий удирдлагын гарын үсэг бүхий албан бичгээр тус төслийн хөтөлбөрт хамрагдах хүсэлт гаргах

- Давхцалгүй байх

- Японы холбогдох консерциум сургуулийн профессорт танилцуулж гарын үсгээр баталгаажуулах

- Холбогдох маягтын дагуу жагсаалтыг англи, монгол хэл дээр бэлтгэх

- Хэд хэдэн нийлүүлэгчээс авсан үнийн санал

- Бусад дагалдах баримт бичгүүдийг хавсаргах

б) Хамтарсан судалгааны тоног төхөөрөмжид тавигдах шаардлага: 

- Бүрэлдэхүүн сургуулийн удирдлага болон сургуулийн ерөнхий удирдлагын гарын үсэг бүхий албан бичгээр тус төслийн хөтөлбөрт хамрагдах хүсэлт гаргах

- Тоног төхөөрөмжийг давхцалгүй байх

- Хамтарсан судалгааны Япон талын хамтрагч багаас зөвшөөрсөн байх /жагсаалт дээр япон, монгол талын багийн ахлагч нар гарын үсэг зурж баталгаажуулах/

- Бусад дагалдах баримт бичгүүдийг хавсаргах

Twitter